"TƏZADLAR" qəzeti, №48 (660), 26 dekabr 2006-cı il - 9 yanvar 2007-ci il.
"SON NƏĞMƏ"
Qəzetimizin əməkdaşı Təbriz Vəfalının "Son nəğmə" adlı lirik şerlər kitabı çap olunmuşdur. Poeziya ilə 12 yaşından məşğul olsa da, təvazökarlıqdan şerlərini kitab halına salmağa tələsmirdi. Nəhayət, Təbriz poeziyasına təşnə olanlar arzusuna çatdılar. Başdan ayağa lirikadan ibarət olan "Son nəğmə" adlı kitabça artıq əlimizdədir. Şerlər hər bir sevən gəncin lirik düşüncələrindən ibarətdir.
T.Vəfalının şerləri kəm-kəsirlərdən də xali deyil. İnanırıq ki, çapa hazırlanan növbəti üç kitabında müəllif bunları nəzərə alacaq. Ümumiyyətlə, "Son nəğmə"nin sevən gənclərin sevimli kitabı olacağına şübhəmiz yoxdur. T.Vəfalını ilk toplusunun çap olunması münasibətilə təbrik edir, ona yeni-yeni yaradıcılıq uğurları arzulayırıq.
ELÇİN

